يالله ياللي اشتكي له واناجيه
الواحد المعبود رب البريه
حالي قظت والوضع زادت مساويه
مدري علام الزين ابطى عليه
هاجت شجون القلب والفكر يطريه
وجروح مابين المحاني دميه
طيفه على بالي وعقلي يحاكيه
والروح عقب الزين جتها المنيه
حبه سرى بالقلب واحيا مفاليه
مثل الهميل احيا عروق الوديه
بنيت له بالقلب قصر(ن) مسويه
فيه الغلا والشوق لاجله هديه
وحيد ماله بالعذارى مشابيه
حسنه يفوق الوصف مافيه زيه
محد(ن) معه بالقلب محد(ن) يساويه
اهو الوحيد اللي رماني بفيه
طول غياب الزين والقلب مافيه
يصبر عن المجمول لو هو شويه
ياهل الهوى قلبي معلق باياديه
ماقوى فراق اللي كواني بكيه
عقلي غدى دقات قلبي تناديه
عيني تهل الدمع مثل برديه
يمكن لقى غيري حبيب(ن) يسليه
يمكن زعل بس العلاقه قويه
ان راح كيفه ماتبعنا خطاويه
خله يعله في دروبن شقيه
الفين غيره لو جماله مالاقيه
وش فايدة زينه وروحه بذيه
من باعني بعته بمره وحاليه
طبعي كذا والنفس ماهي دنيه
مبداي واحد لو تعدد مباديه
انهي علاقه دام فيها اذيه
الواحد المعبود رب البريه
حالي قظت والوضع زادت مساويه
مدري علام الزين ابطى عليه
هاجت شجون القلب والفكر يطريه
وجروح مابين المحاني دميه
طيفه على بالي وعقلي يحاكيه
والروح عقب الزين جتها المنيه
حبه سرى بالقلب واحيا مفاليه
مثل الهميل احيا عروق الوديه
بنيت له بالقلب قصر(ن) مسويه
فيه الغلا والشوق لاجله هديه
وحيد ماله بالعذارى مشابيه
حسنه يفوق الوصف مافيه زيه
محد(ن) معه بالقلب محد(ن) يساويه
اهو الوحيد اللي رماني بفيه
طول غياب الزين والقلب مافيه
يصبر عن المجمول لو هو شويه
ياهل الهوى قلبي معلق باياديه
ماقوى فراق اللي كواني بكيه
عقلي غدى دقات قلبي تناديه
عيني تهل الدمع مثل برديه
يمكن لقى غيري حبيب(ن) يسليه
يمكن زعل بس العلاقه قويه
ان راح كيفه ماتبعنا خطاويه
خله يعله في دروبن شقيه
الفين غيره لو جماله مالاقيه
وش فايدة زينه وروحه بذيه
من باعني بعته بمره وحاليه
طبعي كذا والنفس ماهي دنيه
مبداي واحد لو تعدد مباديه
انهي علاقه دام فيها اذيه
